Plantun de Prouvènço

Pèr coumpara dos planto d'encò nostre

Platanthera bifolia & Potamogeton nodosus

Platanthera bifolia

Orchidaceae

Noms en français : Orchis à deux feuilles, Platanthère à deux feuilles.

Descripcioun :
La doublo-fueio trachis souto lis éuse e li blacas, dins li prado umido e proche dis aigo. Es un Orchis di flour blanco que se recounèis majamen à si dos fueio sus la cambo (fotò). Isto uno meno proche, Orchis chlorantha, que ié sèmblo proun, mai espés, emé de flour mens blanco e lis antèro que s'escarton l'uno de l'autro.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 60 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Platanthera
Famiho : Orchidaceae

Ordre : Aspargales

Coulour de la flour : Blanco
Petalo : irreguliero
Ø (o loungour) flour : 1,5 à 2,2 cm
Flourido : Printèms

Sòu : Ca (Si)
Autour basso e auto : 0 à 2200 m
Aparado : Vo
Mai à juliet

Liò : Prado umido - Bos - Palun
Estànci : Mesoumediterran à Subaupen
Couroulougi : Éurasiatico
Ref. sc. : Platanthera bifolia (L.) Rich., 1817

Espigo-d'aigo(-nouseludo)

Potamogeton nodosus

Potamogetonaceae

Autre noum : Poutamot.

Noms en français : Potamot noueux, Epi d'eau.

Descripcioun :
Aquesto espigo-d'aigo trachis dins lis aigo pulèu prefoundo ounte pòu faire un tapis de fueio. Li fueio de surfaco (5 à 12 cm X 2 à 6 cm) laisson pas passa lou lume, soun pulèu espèsso e souvènt un pau bruno. Aquéli dins l'aigo, soun mai primo e fragilo e se ié vèi bèn li costo. L'espigo, pourtado pèr un pecou espès, sort de l'aigo (3 à 5 cm de long).

Usanço :
D'ùnis espigo-d'aigo sarien manjadisso en Asìo.